İlk küznıñ 4

1959 s. Aqqurğanda (ÖzSSR) yazıcı, terciman, publitsist,
edebiyatşınas, tarihçı Yunus QANDIMOV (04.09.1959– 20.03.2005) doğdı.

1989 s. Qırımğa köçti. 1989–1993, 1996–2001 ss. "Dostluq", "Yañı dünya" gazetlerinde çalışa. 1993–1996 ss. Qırımtatar medeniyet fondunıñ reisi. 2001–2005 ss. Qırımdaki Bütünukrayin malümat ve medeniyet merkeziniñ muarririyet-neşriyat bölüginiñ müdiri, Qırım müendislik ve pedagogika universitetiniñ qırımtatar ve türk filologiyası kafedrasınıñ ocası. Ukrayina yazıcıları milliy birliginiñ azası (1990). Ukrayinada nam qazanğan sanat erbabı (2000). Şair Mıkola Mıroşnıçenko ile beraberlikte "Küneşten bir parça" (2003) ve "Qarılğaçlar duası" (2005 ve 2006) qırımtatar şiiriyetiniñ eki tilli antologiyalarını tertip etti. Ukrayina, Rusiye, Belorus, Özbekistan, Azerbaycan, Qazahistan, Qaraqalpaqistan yazıcılarınıñ eserlerini qırımtatar tiline tercime etti. İlmiy ve publitsistik maqalelerniñ müellifi, şu cümleden "Zemaneviy Ukrayinanıñ entsiklopediyası" ve "Şevçenko entsiklopediyası" içün. Aqmescitte vefat etti.