İlk küznıñ 25

1959 s. Qurğantep köyünde, Özbekistan, jurnalist, yazıcı,
cemaat erbabı, qırımtatar tili, edebiyatı,
medeniyeti ve sanatınıñ populârlaştırıcısı Zera BEKİROVA doğdı.

Ukraina Milliy yazıcılar birliginiñ azası (2011). 1989 s. berli mühbir, bölük müdiri, "Yañı dünya" gazetasınıñ baş muarriri (2012). Kitap ve ilmiy maqalelerniñ müellifi: "Sürgünlikniñ 75 taqdiri", "Ğurbette Qırım parçası" (2010), "Vatan yoluna bağışlanğan ayat" (2009), "Raqamlar şаatlıq eteler" (2012). İdris Asaninniñ 3 cıltlı "Adalet küreşi saflarında" kitabınıñ tertip etilmesinde yardım etti. Onıñ ölüminden soñ bu işni devam ettirip, qırımtatar milliy areketi ve onıñ iştirakçileri aqqında soñki 4-nci cıltınıñ müellifi oldı. Müellif türk, rus ve bulğar tillerinden tahminen 20 kitapnı qırımtatarcağa tercime etti. "Nenkecan" qırımtatar mecmuasınıñ baş muarriridir. Bekir Çoban-zadeniñ ayatı ve icadını tedqiq ete.

1906 s. Gurzufta, Qırım, Ekinci cian cenkiniñ iştirakçisi,
birinci qırımtatar uçucısı Mansur MAZİNOV (25.09.1906–11.03.1983) doğdı.

Ekinci cian cenki vaqtında naqliyat aviatsiyasınıñ uçucısı edi, 1942 s. Başlap cebede edi. Qamaçavğa oğrağan Leningradğa partizanlarğa uçuşlar yaptı. Eki kere Qızıl Bayraq, II derece Vatan cenki nişanları ve medallernen taqdirlengen edi. Cenkni kapitan unvanında ava eskadrilyasınıñ komandanınıñ muavini vazifesinde bitirdi. Cenkten soñ vatandaş aviatsiyasına keçti, Qazahistan ŞSC-niñ Pavlodar şeerinde uçaq alanını idare etti. Vatanına öyle de qaytmadı ve Qazahistanda vefat etti.