İlk küznıñ 20

2015 s. Herson vilâyeti ve Qırımnıñ memuriy sıñırında vaqtınca işğâl etilgen
Qırım Muhtar Cumhuriyeti ve Aqyar şeeriniñ aşayt qamaçavı ötkerildi.

Yarımadağa ketken üç avtomobil keçiti blok etildi. Qamaçavnıñ teşebbüsçileri qırımtatar halqınıñ liderleri Refat Çubarov, Mustafa Cemilev ve ATR telekanalınıñ saibi Lenur İslâmov oldı. Qamaçavğa qırımtatar ve ukrayin faalleri, cemaat teşkilâtları ve halq deputatları qol tuttı. Qamaçav iştirakçileriniñ esas talapları: Qırımnıñ tamır halqına qarşı basqılarnı toqtatmaq, em de ukrayin siyasiy mabüsleri Nadiya Savçenko, Oleğ Sentsov ve Oleksandr Kolçenkonı azat etmek. Bundan ğayrı, aktsiya işğal etilgen Qırımğa naqliyat taşımalarınıñ ve elektrik teminleviniñ blok etilmesinden ibaret edi. Vatandaşlar ve şahsiy maşnalar serbest keçe ediler. 2015 s. ilk qışnıñ 31-nde Qırımnıñ qamaçavı yekünlengeni ilân etildi. 2016 s. qara qışnıñ 17-nde Ukrayina ükümetiniñ işğal etilgen Qırımğa mallarnıñ ketirilmesini sıñırlav qararı işke tüşürilgeninen aktsiya közetüv formatına keçirildi.