İlk küznıñ 19

1772 s. Qırımda V. Dolgorukovnıñ ordusı
qırımtatarlarğa qarşı ceza aktsiyalarını keçirdi.

1768–1774 ss. Rusiye-Türkiye cenki devamında, Balqanlarda arbiy areketler teatri ile meşğul olğan Qırım hanlığı ordusınıñ yoqluğından faydalanıp, 1772 s. ilk küz ayında Qırım yarımadasına V. Dolgorukovnıñ komandanlığı altında qoşma rus orduları kirsetildi. Bu sebepten moskvalılar Qırım hanı Sahib Geray II-ni qırımtatarlarnıñ Rusiye İmperiyasına sadıqlığını tasdıqlaycaq iç añlaşmanı imzalamağa mecbur etmek istey ediler. Han memuriyeti Rusiye temsilcisi ile aytışmalarnı res etken soñ V.Dolgorukov yarımada ealisine qarşı ceza aktsiyalarını başlatmağa emir etti. Köylerniñ yaqılması ile beraber kütleviy öldürüvler bir qaç afta devam etti. Terrornıñ miqyasınıñ tamır halqnıñ sayısını eksiltmek telükesi bar edi. Ve tek halqqa qarşı açıq bir genotsid Qırım hanını V.Dolgorukov ile aytışmalarğa başlamağa ve 1772 s. boş ayda añlaşma imzalamaq mecbur etti.