İlk küznıñ 17

1937 s. Çelebi Eli köyünde ressam ve resim ustası Halil MEMEDLÂYEV doğdı.

1977 s. berli SSBC ressamları birliginiñ azası, 1995 s. berli Ukrayina ressamları birliginiñ azasıdır. 2003 s. Qırım Muhtar Cumhuriyetinde nam qazanğan ressam fahriy unvanına nail oldı. Ressam öz faaliyetinde portret resimlerine büyük yer ayırdı. Eserlerinde farqlı zamanlarnıñ şahısları, çeşit türlü tabiat çizgilerine saip olğan insanlar tasvir etilmektedir. Belli olğan eserleri — "Hatice qartanay" (2002), "Ordu yılları" (1975), "Analar" (1988), "Şayde qartanay" (2019).
Eserleri Aqmescitteki Qırımtatar medeniy ve tarihiy asabalıq müzeyinde, Bağçasaray tarihiy-medeniy ve arheologik müzey-qoruğınıñ resimler galereyasında, Tacikistan, Özbekistan, Rusiye, Ukrayina ve Türkiyedeki sanat galereyalarında ve şahsiy toplamlarda yer almaqtadır. Bağçasarayda yaşay.