Armannıñ 5

1927 s., Qırımda, Aqmescit şeerinde,
SSSR Yuqarı Şurasınıñ üç toplaşuvınıñ vekili,
Sotsialist Emegi Qaramanı (1973)
Enver ALİYEV (05.08.1927–23.05.2017) dünyağa keldi.

1944 s. quralay ayında Aliyevler qorantasını Özbekistanğa sürgün ettiler. Ğurbette Enver Aliyev mehanizator zenaatını menimsedi, ileri sovhoznıñ brigadiri oldı. 1970–1984 ss. SSSR Yuqarı Şurası yanındaki Milletler Şurasınıñ 8–10 toplaşuvlarınıñ vekili olaraq saylandı. Milletler Şurasınıñ yanında çalışqan naqliye ve alâqa meseleleri boyunca komitetniñ azası oldı. 1973 s. qırımtatarlarnıñ teşebbüsçi gruppası tarafından halqnıñ aququqlarını tiklemek talabınen yazılğan mektüpni, E.Aliyev KPSS MK Sekretariatına teslim etti. Özbekistan Kompartiyası yolbaşçılarnıñ ögünde qırımtatarlarnıñ öz vatanına qaytuv aqqını qorçalağan edi. Öz. SSR Yuqarı Şurasınıñ vekili, Öz. SSR Yuqarı Şurası Prezidiumnıñ azası. KPSS XXVI syezdiniñ vekili oldı. 1990 s. qorantasınen Qırımğa qayttı. ІІ Qurultaynıñ delegatı (1991). Qırımda, Beytanış köyünde vefat etti.