Armannıñ 4

1960 s. Özb SSR, Andijan şeerinde, yırcı,
teatr ve kino artisti Seytabla MEMETOV dünyağa keldi.
Çoq tonlu tenorniñ saibi, "Qırımnıñ altın sesi" unvanına nail icracı.

1989 s. Qırımğa avdet olğan edi, Qırımtatar devlet akademik muzıkalı-drama teatriniñ aktörı oldı. "Yañğız Yıldız", "Geceler hayır", "Sabırsız qaynana", "Yedi qocalı Urmus" ve başqa spektakllerde baş rollerni icra etti. Yırcı ve aktörnıñ istidatını Ukrayina ve çetelde, 1991–2015 ss. Daniya, Almaniya, Büyük Britaniya, İsveçre, Romaniya, Turkiye, Özbekistan, Aqrusiye, Rusiye ve Qıtayda keçken gastroller devamında kördiler. Kinoaktör olaraq, "Tatarskiy triptih" (2004), "Bogdan-Zіnovіy Hmelnitskiy" (2006) filmlerde oynadı.

1965 s. qırımtatarlardan ibaret Ekinci cian cenki veteranlar gruppası ve
SSSR Yuqarı Şura Prezidiumınıñ başlığı A. Mikoyannıñ körüşüvleri bulundı.

Qırımtatarlar öz halqınıñ kütleviy qaytarıluvı ve tarihiy yurtunda toplu yerleştirilmesi, avtonomiyanıñ tiklenilmesi, milliy mektepler açılması, til, maarif, tasilniñ inkişaf ettirilmesi kibi talaplarını bildirdiler. Mezkür körüşüv bir neticesiz bitti.