Armannıñ 3

1945 s., Özbekistan SSR, Çust şeerinde ressam
Ali BEKİROV dünyağa keldi.
Ukrayina Ressamlar milliy birleşmeniñ azası (1995).

Özbekistanda (1990) ve Qırım Muhtar Cumhuriyetinde nam qazanğan ressam (2012). Şahsiy sergiler (1974, 2001). Belli eserleri: "Komendnantta" (1991), "1944 quralay 18" (1992), "Ay-Petri manzarası" (1995), "Amet-Hannıñ türküsi", "Baydar vadisinde baar" (2002) ve başqalar. Eserleri Aqmescitteki Qırımtatar medeniytarihiy miras müzeyinde ve Turkiye, Romaniya, Kanada, AQŞ, Poloniya, Qırğızstan, Ukrayina, Özbekistan sanat galereyaları ve şahsiy taqımlarda saqlanmaqtalar.

1957 s., Özbekistan SSRinde, siyasetçi,
Milliy Meclis Başlığınıñ muavini
İlmi ÜMEROV dünyağa keldi.
ІІ ve III derece "Lâyaqat içün" orden ve
"Litvaniya boyunca lâyaqatlar içün" ordenine ait rıtsar haçınen taqdirlengen edi.

1988 s. ecdatlarınıñ Vatanı - Bağçasarayğa avdet oldı. 1994–1997 ss. Qırım Memuriyetiniñ vitse-premyeri oldı, Qırım Muhtar Cumhuriyeti Nazirler Şurası Reisiniñ muavini (1997), Türkiy halqlar bütündünya assambleyasınıñ yolbaşçısı (1997–1999), QMC Yuqarı Şurası Reisiniñ muavini (2002–2005), Bağçasaray rayon devlet memuriyetiniñ reisi (2005–2014).
2016 s. RF-nıñ Telükesizlik Federal Hızmeti tarafından yaqalandı. İlk küz ayı 27-de, rus mahkemesi Meclis reisininiñ muavini İlmi Ümerovnı 2 yılğa azatlıqtan marum etti ve eki yılğa içtimaiy faaliyetnen oğraşmaqnı yasaq etti. Orta küz ayı 25-te Ümerov ve qırımtatar siayasiy mahbüsi Ahtem Çiygoz Turkiyege teslim etildi ve aps cezasından azat oldılar.

1967 s., Özb. SSSR, Taşkent şeerinde türkşınas,
filologiya ilimler namzeti, terciman,
Oleg RUSTEMOV dünyağa keldi (03.08.1967–04.04.2022).

Filologiya ve tarih ceetten ğayet qıymetli olğan, XVII as. — XVIII as. ortasına ait, şeriat mahkemelerinde yapılğan, 335 dane yazınıñ transkriptsiyası ve rus tiline tercimesini taqdim etken "Qırım Hanlığınıñ qadıasker kitapları: araştırmalar, metinler ve tercimeler" (2017) adlı kitabınıñ müellifi. B. Çoban-zade mukâfatınıñ laureatı (2017). Qırımda vefat etti.