Armannıñ 26

1890 s. Qırımda, Aqmescit ş., yazıcı, edebiyatşınas,
türkşınas, tilşınas, terciman, tenqitçi, pedagog;
Birinci cian cenkiniñ iştirakçisi; І Qurultay vekili (1917);
Stalin terrorunıñ qurbanı
Abdulla LÂTIFZADE (26.08.1890–17.04.1938) dünyağa keldi.

1927–1930 ss. Qırım respubikasınıñ Yañı türk elifbesi komitetinde mesül kâtip. "Şairniñ ruhu", "Ömür", "Şairge", "Aqınğa", "Közaydın!" kibi şiirleri öz ruhu, mündericesi, şekili, tili, üslübi boyunca novatorlıq çizgilerge ait dep esaplana. Mükemmel tarzda arap, fars, turk, fransız, latin ve rus tillerini bile edi.
İçki işler halq komissarlığı (NKVD) hadimleri taraftan "kontrrevolütsiya teşkilâtında iştiragı"nda, casusçılıq ve Milliy Firka alâqasında qabaatlanıp yaqalandı. 1938 s. çeçek ayı 17 künü Aqmescitte, NKVD apshanesiniñ azbarında qurşun cezasına oğratıldı.