Armannıñ 25

1943 s. pedagog, maarifçi, terciman, Stalin terrorunıñ qurbanı
Yağya BAYBURTLI (1876–25.08.1943) bu dünyanı terk etti.

Qırımda, Bağçasarayda dünyağa keldi. 1917 s. I Qurultay vekili olaraq saylandı. Pedagogika ve cemiyet faaliyetinen birge, qırımtatar tiline dünyeviy klassika eserlerini tercime etti; şiirler, pyesalar, nesir, milliy mektepler içün derslikler yazğan edi. Şu sırada: "Elifbe" (1913); "Yeñi qırayet" (1917, 1923); "Tatar sarfı" (1918); "Sarf kitabi" (1919) kibi derslikler çıqardı. 1935 s. İçki işler halq komissarlığı (NKVD) tarafından pantürkizm ğayelerini tarqatqanda qabaatlanıp, işten boşatıldı. 1938 s. Arhangelsk iflâq-emek lagerinde 10 yıl müddetine mahküm etildi, anda elâk oldı. 1957 s. reabilitatsiya etildi.