Armannıñ 21

1933 s., Romaniyadaki Bazarçıq şeerinde,
qırımtatar halq yırlarınıñ icracısı, folklornıñ toplayıcısı,
"Dobruca Bülbüli" adına nail olğan
Qadriye NURMAMBET (21.08.1933–31.01.2023) dünyağa keldi.

"Tañ yıldızı parılday" ve "Tayım atqa deñişmem" türküleriniñ 1950-nci senelerde birinci icracısı oldı. 1957–1989 ss. Buharest etnografiya ve folklor institutınıñ Davuşlar altın arhivi içün qırımtatar yırlarını studiyada yazğan edi. Bundan ğayrı, 24 dane CD disk yazıp qoydı. 2009 s. yırcınıñ soñki, an’aneviy turk ve qırımtatar yırlarından ibaret, albomı çıqqan edi. Buharestte ebediyen köz yümdi.