Armannıñ 19

1960 s., Özbekistanda, Yangiyül ş., uçucı,
"Vatan qanatları" adlı aviatorlar gruppasınıñ teessisçisi ve başlığı,
Nuri BEYTULLAYEV (19.08.1960–14.09.2021) dünyağa keldi.

Tu-154 uçaqnıñ börtinjeneri. "Krım" aviakompaniyasında çalıştı. 2012 s. qadar Qırım memuriyetinde naqliye bölüginiñ baş mütehassısı olğan edi.
1990 s. başlarında "Vatan qanatları" teşkilâtını meydanğa ketirdi. Aqmescit halqara ava limanına Sovet Birliginiñ Eki efa qaramanı, uçucı Amet-Han Sultannıñ adını berilüv ğayesini meydanğa çıqarğan edi. N. Beytullayevniñ teşebbüsinen, 2014 s., Kirovograddaki uçucılıq akademiyasında Amet-Han Sultanğa bağışlanğan hatıra tahtası açıldı. Efsaneviy uçucı bu akademiyanıñ mezunı edi.

1964 r. Litvaniyada, Bütrimonisi ş., yazıcı,
Litvaniya tatar cemiyeti birliginiñ başlığı,
baş nazirniñ milliy azlıqlar meseleleri boyunca cemaat mesleatçısı,
Litvaniya qırımtatarlar Meclisiniñ temsilcisi (2003),
Gumanitar fenler doktorı, Adas YAKABAUSKAS dünyağa keldi.

Doğma qırımtatarı. Litvadaki tatar cemiyeti ve andaki siyasiy sisteması mevzusında olğan maqalelerniñ müellifi ola. Yazıcınıñ çoq esse ve şiirleri Qırımğa bağışlanğan.