Armannıñ 18

1649 s. Zboriv añlaşması tizildi.

1694 s. ukrayin askerleri Zboriv uruşında ğalip çıqqandan soñra, Reç Pospolitayanıñ qıralı Yan ІІ Kazimir ve getman Bogdan Hmelnitskiy yolbaşçılığında Zaporojye Ordusı arasında mezkür añlaşma tizilgen edi. Bu añlaşma, Ukrayina devletiniñ küçleşmesinden saqınğan em barışıqlıq niyetini bildirgen Poloniyağa qoltutqan, han III İslâm Gerayniñ büyük tesirinen tizildi.
Zboriv añlaşması Reç Pospolitayanıñ topraqlarında olğan ukrayin Getmanşçina kozaklarınıñ mustaqilligini qanunlaştırğan olsa da, zıddiyetniñ eki tarafını da qandırmadı. Olar yañı uruşlarğa azırlıq kördiler.

1932 s. Qırımda, Aqyar ş. yırcı,
ÖzSSR halq artisti (1989), Ukraina halq artisti (1993)
Fevzi BILÂLOV (18.08.1932– 08.08.1999) doğdı.

1944 s. Özbekistanğa sürgün olundı. 1957 s. başlap, "Qaytarma" ansambliniñ terkibinde çalışqan solist-vokalist. 1970–1978, 1989–1993 ss. "Qaytarma" ansambliniñ bediiy reberi edi. 1987 s. ansambl yanında "Efsane" taqımını meydanğa ketirdi.
1992 s. ansamblinen beraberlikte Qırımğa avdet oldılar. 1997 s. "Hansaray" adlı folklor taqımını meydanğa ketirdi. Ayatınıñ 40 yılını sanatqa hızmet etip bağışladı, şu cümleden 36 yılını "Qaytarma" ansambline feda etti.
Eski folklornı ögrenip, ğayrıdan canlandırğan edi. İcra etken eñ belli yırlarından: "Dertli qaval", "Port-Artur", "Baydarava yolları", "Azbarımda badem terek". 1999 s. Kezlev ş. vefat etti.