Armannıñ 16

1963 s., ÖzbSSR, Namangan ş., ressam
Ali BELÂLOV dünyağa keldi.

1990 s. başlap, cumhuriyet, halqara, çetel sergileriniñ iştirâkçisi. 1992 senesinden Aqmescit qırımtatar ressamlar assotsiatsiyasınıñ azası. Belli eserleri: "Küneşli kün" (2018), "Musafirlerge qave" (1990), "Derviş" (2001), "Özenbaş" (2000), "Ğurzuf aqşamı" (2016) ve başqalar.
İcadınıñ esas yönelişlerinden biri — monumentalistika. A.Belâlov Qarasuvbazardaki, Bekir Çoban-zadeniñ hatırasına qoyulğan eykelniñ müellifi ola (2001). Eserleri Qırımtatar medeniy-tarihiy miras müzeyinde, Ukraina, Özbekistan, Türkiye, Almaniya ve AQŞ bediiy galereyalar, ve şahsiy cıyıntıqlarda yer alğanlar.

1929 s., Qırımda, Aqmescitte, ressam, yağlı boya ustası,
Fevzi RECEPOV (16.08.1929–07.08.1983) dünyağa keldi.

1944 s. quralay ayında ÖzbSSR, Samarqand şeerine sürgün etildi. Özbekistan Ressamlar birliginiñ azası. Moskva, Taşkent, Samarqandda ötkerilgen, şeer, respublika, region dereceli sergilerniñ iştirakçisi. Belli eserleri: "Yüzüm ile natürmort" (1962), "Çeçeklernen natürmort" (1970), "Qadın portreti" (1962). Eserleri Samarqand tarih, medeniyet ve sanat müzeyi, Qırımtatar tarihiy-medeniy miras müzeyi ve Özbekistan, Ukrayina, Rusiye bediy galereyalar, ve şahsiy kollektsiyalarda saqlanmaqta. Samarqandda vefat etti.