Armannıñ 13

1624 s. Qarasuvbazar civarında (zemaneviy Belogorsk)
qırımtatar ve osmanlılar orduları arasında uruş bulundı.

Bu savaş han sülâlesiniñ eki vekili — Canibek ve Muhammed Geray arasında bulundı. Canibek Gerayğa admiral Recep paşanıñ yolbaşçılığında olğan osmanlar qoltuttı. Muhammed Geraynıñ tarafında ise 1000-ge yaqın ukrayin askeri oldılar. Ağa-qardaş III Muhammed Geray ile tahtnıñ mirasçısı Şagin Geray bu savaşta ğalip çıqtılar. Canibekniñ tarafdarları III Muhammed Geraynı öz hanı olaraq qabul etmege mecbur oldılar.

1906 s., Turkiyede, Konstantinopol şeerinde, vesiqalı filmler operatorı
Kennan QUTUBZADE (13.08.1906–22.02.1981) dünyağa keldi.
Ösventsim kontslager mabüsleri azat etilmesiniñ çıqarğan beş operatordan biri.

Ekinci cian cenkiniñ iştirakçisi. 1942 s. başlap, 1-nci Ukrayin cebesi siyasiy idaresiniñ kinooperatorı. Dünyeviy vesiqalı kino tarihında azat etilgen Auşvits-Birkenau ölüm lagerini çıqarğan birinci sovet operatorı olaraq belli. Episi şu kadrlar Qutub-zadeniñ, Nürnbergde kösterilgen, "Ölüm lageri Ösventsim" adlı vesiqalı filmine kirdiler. Qutub-zade çıqarğan cenk kinohronikasınıñ çoqtan-çoq parçaları Ekinci cian cenki mevzusında olğan filmlerde faydalanğan edi.
40 yıl kinooperator olıp çalışqan Qutub-zade 40-qa yaqın kinohronika filmni çıqarğan edi. SSSR Kinematografistler birliginiñ azası (1959). Rostov-na-Donu şeerinde vefat etti.