Armannıñ 1

1906 s., Qırımda, Quru-Özen k., meşur alim, fizik, professor,
"Çelüskin" ekspeditsiyasınıñ iştirakçisi
İbraim FAKİDOV (01.08.1906–28.02.2002) dünyağa keldi.

1932 s., O. Y. Şmidtniñ davetinen, "Çelüskin" adlı gemide ötkerilgen ekspeditsiyanıñ iştirakçisi oldı. Ekinci cian cenki vaqtında, gemilerniñ magnitliken vazgeçtirüvinen meşğul oldı, akademikler İ.V. Kurçatov ve A. P. Aleksandrovnıñ gruppasına kirsetilgen edi. 1946–1986 ss. SSSR İlimler Akademiyası yanında çalışqan Maddenler fizikası institutınıñ Oquv-ilmiy merkezinde elektrik adiseler laboratoriyasınıñ müdiri oldı. "Şüretli polârnik", "SSSR keşfiyetçisi" ve Qızıl Yıldız ordeninen (1934) taqdirlendi. Yekaterinburgda vefat etti. Vatanı, Quru-Özende (1945 s. son Sonâçnegirske), soqaqlardan biri onıñ adını taşıy.

1985 s., Qırımda, Aqmescitte, devlet ve
siyaset erbabı Arsen JUMADİLOV doğdı.

Qırım strategik araştırmalar institutınıñ esasçılarından biri. Ukraina Prezidentiniñ qırımtatar halqı işleri boyunca temsilciniñ faaliyetini teminlev bölüginiñ yolbaşçısı (2014–2015), Anayasa komissiyası yanındaki iş gruppasınıñ azası (2017–2017). 2019–2023 ss. "Ukrainanıñ tıbbiyat tedarikleri" milliy agentsiyasınıñ yolbaşçısı oldı. 2022 s. saban ayından 2023 s. orta yaz ayınace Ukraina Silâlı Küçleri saflarında hızmet etti. 2023 s. Mudafaa Nazirligine baqqan "Cebe artı devlet operatorı" adlı Devlet Teşkilâtınıñ baş müdiri vazifesine tayin etildi. "Kiyevo-Mogilânskaya akademiya" Milliy universiteti politologiya kafedrasınıñ üyken ocası ola.

1985 s., Özbekistan SSR, Samarqand şeerinde, uquqqoruyıcı,
cemaat erbabı Tamila TAŞEVA dünyağa keldi.

"KrimSOS" Cemaat Birleşmesiniñ tesisçilerinden biri (2014). QMC-nde Ukraina Prezidentiniñ daimiy temsilcisi (2022). III derece Knyâginyâ Ölga ordeninen taqdirlendi (2019).