Oraqnıñ 8

1915 s., Qırımda, Qarasuvbazarda, yazıcı, jurnalist
Reşid MURAD (08.07.1915–19.01.2000) dünyağa keldi.

1933–1938 ss. yaşlar içün çıqarılğan "Yaş quvet" gazetasınıñ muarririyetinde "Yaş leninciler" jurnalında ve Qırım radiokomitetinde çalıştı.
1939–1944 ss. Aqmescitte, "Qızıl Qırım" gazetası medeniyet bölüginiñ müdiri oldı. Sürgünlikten soñ "Lenin bayrağı" gazetasında çalıştı. Şiirleri "Yaşlıq yırları" (1938) cıyıntıqqa kirsetildi. "Or çöllerinde" (1939) adlı oçerkler kitabınıñ müellifi. "Dağlar sonatası" (1968) romanını çıqardı ve başqa kitaplarnı derc etti. Qırımğa 1995 s. avdet oldı, yazmaqnı devam etti, "Qırım", "Yañı dünya" gazetlerde ve "Yıldız" jurnalında eserlerini derc ettirdi. SSSR (1940) ve Ukrayina (1995) Yazıcılar birlikleriniñ azası, Jurnalistler birliginiñ (1957) azası. Özbekistanda nam qazanğan medeniyet hadimi. R.Muradnıñ şiirlerine muzıka yazdılar, şu sırada Tuvğan yalılar aqqında yır bellidir. Aqmescitte vefat etti.