Oraqnıñ 6

1919 s., Qırımda, Aqmescitte, yazıcı ve publitsist
Rustem MUYEDİN (06.07.1919–24.01.2012) dünyağa keldi.
Ekinci cian cenkiniñ iştirakçisi.

1944 s. cebeden doğru Özbekistanğa sürgün etildi. "Taqdir" (1972), "Ana qayğısı" adlı ikâyeler, pyesa ve şiirler cıyıntığınıñ (1995), "Ağır taqdirler" serlevalı romanınıñ (2009) müellifi ola. Onıñ "Sönmegen yıldız" pyesasını Qırımtatar akademik muzıkalı-drama teatri 2009 s. sanalaştırğan edi. Ukrayina Yazıcılar birliginiñ azası (1993). Aqmescitte vefat etti.