Oraqnıñ 29

1771 s. Rusiye askerleri taraftan Kefeniñ zapt etilmesi.

1768–1774 ss. yüz bergen Osmanlı ve Rusiye imperatorlıqları arasındaki cenk devamında, general-anşef knâz Vasiliy Dolgorukovnıñ yolbaşçılığındaki ordu, Qırım hanlığınıñ topraqlarına sürip kirdi, Kefeni ve etrafındaki köylerni zapt etti. 
Rusiyeniñ ordusınıñ areketleri böyle muvafaqiyetli olmasına hanlıqnıñ askerleri o zaman Tuna cebesinde turğanı sebep oldı. Qırımda qalğan askerler ise mıqdar boyunca çoq olğan rus duşmanlarnı toqtatıp olamadılar.

1990 s. Musulmanlarnıñ "Aqmescit" adlı diniy cemiyetiniñ toplaşuvı bulundı.

Mezkür toplaşuvda Kebir Caminiñ baş imamı saylanğan edi. "Aqmescit" diniy cemiyetiniñ yolbaşçısı ve caminiñ baş imamı vazifesine Seyitcelil efendi İbraimni (1991–1995) saylağan ediler.