Oraqnıñ 27

1917 s. Qırımda, Dereköyde aktrisa, Qırımtatar devlet drama teatriniñ yırcısı,
Cumaziye Trupçu (27.07.1917–14.03.2008) doğdı.

1937 s. Qırımtatar devlet drama teatri yanındaki studiyada yırlağan edi. Ağası Server Turupçı yaqalanğandan soñ, teatr ve onıñ studiyası qapatıla. Cumaziye Yaltağa qayta ve yır ve çalğı ansambliniñ solistkası ola, qırımtatar halq yırları ve o zamannıñ sovet türkülerini icra ete.
1940 s. başlap, Aqmescitte birleştirilgen qırımtatar devlet yır ve oyun ansamblinde çalıştı. C. Turupçı rus ve Qırımtatar muzıkalı-drama teatrinde çalıştı. "Bağçasaray çeşmesi" spektaklinde Zeynep rolüni, "Arşın mal alan" spektaklinde Gülçehra rolüni oynadı. 1944 s. quralay 18 künü sürgün etildi. Bundan soñ onıñ sana faaliyeti üzüldi. Omsk şeerinde vefat etti.

1993 s., Aqmescitte, Qırımtatar halqı II Qurultayınıñ ekinci sessiyası ötkerildi.

Sessiyada halqnıñ qaytuvı ve yerleşüvi meseleleri, Qırımdaki siyasiy vaziyet muzakere etildi, latin urufatına esaslanğan yañı elifbe qabul etildi. Qurultay delegatları Mustafa Cemilevniñ reislik vekâletini tasdıqladılar.