Oraqnıñ 26

1468 s. Qırım hanlığınıñ tahtına I Mengli Geray saylandı.

Hannıñ tahtqa saylanmasınıñ tantanalı tedbiri Kefede (şimdi Feodosiya ş.) ötkerildi. Mengli Geray tahtta olğan devirde Qırımnıñ medeniyeti gürdeli zamanlarını kördi. XV as. 70-nci senelerde hanlıqnıñ ealisi arta, yaşayış seviyesi öse. Can Kermen (şimdiki Oçakiv) (1492), Aqmescit (şimdiki Simferopol), Balta, Tatarbunar, Kauşan (Moldovadaki şeer), Dnepr özeni yalısında qurulğan İslâm-Kermen qalesi (zemaneviy Kahovka) kibi tuccarlıq ve esnaf merkezlerniñ çoqu şeerge çevirileler. Han Kiliya şeerini ğayrıdan tikley. Qırım hanlığınıñ paytahtı Qırq-Yerde (Çufut-Qale civarında yerleşken) Şarqiy Avropada ilki darulfunun — Zıncırlı medreseni aça (1500) ve Devlet saraynı qura.

1941 s. Qırımda, Burnaş köyünde, yırcı ve çalğıcı,
Qırımda nam qazanğan artist, halq türküleriniñ sırlarını bilgen ve saqlağan yırcı,
bir sıra qırımtatar yırlarınıñ müellifi ve icracısı
Rustem Memetov dogdı.

1944 s. RSFSRniñ Kostroma vilâyetine sürgün etildi. 1964–1991 ss. "Haytarma" ansambliniñ solisti edi. 1991 s. qorantasınen Qırımğa avdet oldı. 1991–2001 ss. "Qırım" folklor ansambliniñ solisti. Muzıkalı ve televizion yayınlarnıñ iştirakçisidir.