Oraqnıñ 23

1938 s., Qırımnıñ Eski Şüli köyünde, aktör, oyuncı, Qırımda nam qazanğan artist
Rasim YUNUSOV dünyağa keldi.

1944 s. sürgünlik yüz bergende, Mariy ASSR-ge tüşti. 1955 ss. başlap, "Haytarma" ansamblinde çalışa. 1988 s. Qırımğa avdet oldı, Qırımtatar teatrine işke kirdi. Öz birinci rolüni 52 yaşında olğanda icra etti. "Arzı qız", "Dubaralı toy", "Aslıhan", "Hırsızlanğan kelin", "Yedi qocalı Urmus", "Волшебный талисман" ("Siirli tılsım"), "Aqmescit yigitleri" kibi spektakllerde oynadı. Aktörlıq tasili olmağanına baqmadan, "Татарский триптих" ("Tatar triptihi") (2004), "Qaytarma" (2013), "Hıdır-dede" (2018) ve başqa filmlerde ustalıqnen oynağan edi. Umumen alğanda, 40 spektakl ve 21 filmde oynadı.

1974 s., Özbekistanda, Namanğan şeerinde, cemaat erbabı ve siyasetçi,
Milliy Meclis azası Eskender BARİYEV doğdı.

Qırımtatar resurs merkeziniñ idare başlığı, Liberate Crimea areketiniñ koordinatorı, Ukrayina inkişafında yaşlarnıñ hususiy yeñişleri içün Ukrayina Nazirler Kabineti Mukâfatınıñ laureatı (2007) oldı. Milliy Bayraq künü qayd etilmesiniñ teşebbüsçilerinden biri ola.