Oraqnıñ 17

1959 s., Özbekistanda, Bekabad şeerinde, şair ve publitsist
Dilâver OSMANOV doğdı.

Qırımğa avdet olğandan soñ, 1998 senesinden başlap, sürgünlik aqqında tarif etken, qırımtatarlarnıñ aq-uquqları tiklenmesi mevzusında, nazm ve publitsistik eserlerni yerli matbuatta derc etti. Qırımtatar muzıkalı-drama teatri içün pyesalar yazdı ve tercimeler yaptı. Öz eserlerini qırımtatar ve rus tilinde yaza.
1997 s. başlap, Qırımda çalışqan "Radio Svoboda" haber vastasınıñ mühbiri. Ukrayina Jurnalistler milliy Birleşmesi prezidiumınıñ terkibine kirgen edi, Ukrayina Teatr hadimleri milliy birleşmeniñ azası ola. 2009 s. "Yıldız" mecmuasınıñ baş muarriri vazifesinde çalışa.

1985 s., Özbekistanda, adliyeci, cemaat ve siyaset erbabı
Ervin İBRAGİMOV dünyağa keldi.

Milliy arekette faal iştirak etti: Bütündünya qırımtatar kongressi idare komitetiniñ vekili oldı, Qırımtatar halqı Qurultayınıñ vekili ve Bağçasaray yerli meclisniñ azası edi. 2014 s. qadar Bağçasaray yerli şurasında ve yerli memuriyette çalışqan edi. Yarımada işğalge oğrağan soñra, cemaat narazılığı areketlerinde faal iştirak etti. Belli olmağan şahıslar onı, Bağçasarayda, öz eviniñ yanında, 2016 s. quralay ayı 24 künü alıp qaçtılar. O vaqıttan soñ E. İbragimovdan bir haber yoq, sağmı — belli degil. Alıp qaçuvnıñ teşkilâtçıları ve bu işni yerine ketirgen insanlar alâ tapılmadı.