Oraqnıñ 15

Ukrayina Devletçilikniñ künü

1976 s., AQŞda, Nyü-York ş., çetelde faaliyet köstergen milliy areketniñ iştirakçisı, uquqqoruyıcı ve publitsist Fikret Yurterniñ yolbaşçılığında,
"Qırım" adlı fondı meydanğa ketirildi.

Mezkür Fond teşkil etilmesiniñ teşebbüsçisi — Fikret Yurter, Mehmet Sevdiyar ve Mübeyin Altan tarafından meydanğa ketirilgen Qırımtatarlarnıñ Vatanğa qaytaruv Komiteti edi. Qırımtatarlarnı sürgün etilgen yerlerden Vatanğa avdet olmaqta destek köstermek — bu Fondnıñ baş maqsadı oldı.

1990 s. "Avdet" gazetasınıñ birinci sanı derc olundı.

Aftada bir kere çıqqan, zemaneviy içtimaiy-siyasiymedeniy gazeta ve qırımtatarlarnıñ Orta Asiyağa sürgün etilmesinden soñ çıqqan birinci mustaqil neşir. OKND (Qırımtatar milliy areketi teşkilâtı) tarafından meydanğa ketirildi. Qırımtatar ve rus tillerinde neşir etile. Devletçilikniñ ğayrıdan tiklenmesi, qırımtatar milliy özgünligi, maneviyat ve milliy mefküreniñ saqlanması kibi meselelerni aydınlata. "Avdet"niñ birinci muarririyeti Bağçasarayda yerleşken edi. 2014 s. Qırım Rusiyeniñ işğaline oğrağanda, gazeta kütleviy matbuat vastası tarzında Rusiye registratsiyasından keçmedı. Tirajı sıñırlı şekilde neşir etile. Baş muarriri — Şevket Kaybullayev.