İlk yaznıñ 5

1977 s. Özbekistanda, Çırçıq şeerinde sportçı, fristayl boyunca Dünya Kubogınıñ ğalibi (2005),
fristayl boyunca Ukraina cıyma komandasınıñ baş treneri Enver Ablayev doğdı.

2021 ve 2022 ss. Ukrayinanıñ eñ yahşı treneri. Fristayldan halqara dereceli sport ustası. Devlet mukâfatlarına malik: "Yararlıqlar içün" ІІ derece ordeni (2022 s. arman ayı 23) ve "Yararlıqlar içün" ІІІ derece ordeni (2018 s. kiçik ayı 28).

1990 s. yıqılğan Hoca-Sala köyü ğayrıdan quruldı.

Viran etilgen Hoca-Sala köyü (Bağçasaray rayonı, Mangupnıñ yaqınlarında) yerinde qırımtatarları çadırlar şeerçigini qoydılar, soñra ise binalar qurulışını başladılar. Çadırlarnıñ birinde qırımtatar milliy bayrağı köterildi. Rus ve ingliz tillerinde "Kendi köylerimizni özümiz ğayrıdan tikleymiz" ve "Bizim ana toprağımızğa qaytqanımıznı resmiyleştirmege talap etemiz", dep yazuvlı transparantlarnı pekitip qoydılar. Şu topraqlar eki yıldan soñ qanunlaştırıldı. Ecdatlarnıñ köyü tiklenildi.