İlk yaznıñ 30

1817 s., asılı qırımtatarlardan olğan Rusiye imperiyasınıñ arbiy erbabı
Batır-Çelebi MÜFTİZADE (30.06.1817–01.1886) doğdı.

Asılı itibarlı murzalar sülâlesinden. Arbiy faaliyetini 1838 s., qırımtatar eskadronınıñ zabiti rutbesinde başladı. Arbiy karyeranı bütünley keçip, 1865 s. general-mayor rutbesinde istifağa çıqtı. 1884 s. Tavriya guberniyasınıñ asılzadeler şecere kitabına tayinlendi. 1886 s., qara qış ayında vefat etti. Kezlevde, eski tatar mezarlığında defn olunğan. 1932–1933 ss. bolşevikler akimiyeti tarafından mezarlıq viran etilgen edi.

1917 s. Mustaqil "Qırım ocağı" gazetasınıñ birinci sanı dünya yüzüni kördi.

Gazeta aftada eki kere çıqa edi. Neşirniñ prioritetinde — milliy kimlikni, öz milliy muqadderatınıñ tayinlenüvi ve din meseleleri edi. Gazetanıñ baş muarrirleri — "Milliy Firqa" milliy patriyasınıñ sol qanatını temsil etken yazıcı, jurnalist, cemaat erbapları blâkim İlmiy ve Mustafa Kürtiyev edi.

1991 s. ilk yaz ayı 30 künü, ІІ-nci Qurultayda, 33 azadan ibaret icra ve temsilci organ —
Qırımtatar Milliy Meclisin meydanğa ketirildi.

Meclisniñ Başlığı vazifesine Mustafa Cemilev, muavini olaraq Refat Çubarov saylandı.