İlk yaznıñ 27

1917 s. Aqmescitte kündelik "Millet" gazetası çıqıp başladı.

Gazeta o zamannıñ eñ itibarlı neşirlerinden biri oldı. Onıñ muarriri Asan Sabri Ayvazov edi. Başında gazeta Qırım Müsülman İcra Komitetiniñ organı edi, soñra ise — Qırım milliy ükümetiniñ organına çevirildi. 1917–1920 ss. A3 formatta, arap urufatı ile qırımtatar tilindeki gazetanıñ 400-ge yaqın nushası çıqtı. Neşirniñ esas maqsadı — qırımtatar milliy areketi ğayelerini kütleviyleştirüv edi. Gazeta öz özüni idare etüv demokratik printsiplerini ilân etti. 1917 s., oraq ayınıñ 22-nden Aqmescitte, "Millet" gazetasınıñ ilâvesi olaraq, rus tilinde "Golos tatar" gazetası çıqıp başladı. Onıñ maqsadı — yarımadanıñ rus tilinde qonuşqan ealisini qırımtatar milliy areketiniñ maqsadı ve vazifelerinen tanış etmek edi. 1918 s., quralay ayınıñ 10-nda serlevası "Krım" adına deñiştirildi. Neşir qırımtatar parlamenti — Qurultaynıñ organı edi, muarrir vazifesini muarririyet kollegiyası becere edi.