İlk yaznıñ 23

1900 s., Qırımda, Aq-Baş köyünde milliy areketniñ üyken azalarından biri Bekir ÜMEROV (23.06.1900–19.11.1983) dünyağa keldi. Stalin rejiminiñ qurbanı.

Yaşlar Kommunist birligi obkomınıñ birinci kâtibi (1924). "Yaş quvet" gazetasınıñ baş muarriri (1924). Aqyar şeer şurasınıñ mesül kâtibi (1927). 1938 s. "qırımtatar milletçilerinen alâqası içün" yaqalandı ve 10 yıl müddetine azatlıqtan marum etildi. 1949 s. birinci müddeti bitken soñ, ğayrıdan mahküm etilip, Krasnoyarsk ülkesine sürgün etile ve 1956 s. ilk küz ayında SSSR Yuqarı Mahkemesi tarafından reabilitatsiya olunmasınace anda buluna. Azat olunğan soñ milliy areketke qoşuldı. Arhivlerniñ açılmasından bayağı vaqıt evel, 1918–1940 ss. repressiyağa oğrağan qırımtatarlarınıñ cedvelini tizdi ve oña 200-den ziyade, çoqusını şahsen bilgen, adamlarnıñ adları kirsetilgen. Samarqandda vefat etti.

1978 s. Musa Mamut öz-özüni yaqtı.

Aqmescit rayonınıñ Beş-Terek köyünde qırımtatar cemaat faali, üç balanıñ babası Musa Mamut, Qırımdan tekrar sürgün etilmesine narazılıq bildirip, öz eviniñ azbarında, militsiya ve akimiyet temsilcileri ögünde, urbasına benzin tökip, öz-özüni yaqtı. İlk yaz ayınıñ 28-nde, Aqmescit hastahanesinde ağır yanıqlardan vefat etti. Musa Mamutnıñ qaramanlığı qırımtatarlarnıñ Vatanlarına qaytuv oğrundaki küreşiniñ timsali olıp qaldı.

1982 s., RSFSR, Krasnodar ülkesiniñ Krımsk şeerinde, santıraççı, halqara grossmeysteri (WGM unvanı), trener Ava SULEYMANOVA dünyağa keldi.

2005 s. Ukrayinanıñ eñ usta santıraççılarınıñ sırasına kirdi.