İlk yaznıñ 19

1910 s. Aqmescitte, er kişiler gimnaziyası binasında qırımtatar maarifiniñ tarihına
"Ruşdiyeler ile küreş" olaraq kirgen muşavere ötkerildi.

Ruşdiye — tasil derecesine köre, progressiv mektep, mında 14-15 yaşında qız ve oğlanlar oquy edi. Talebelerniñ 30% — faqır-fuqare qorantalardan çıqqan balalar. Oquv qırımtatar tilinde alıp barıla edi. Rusiye imperiyasınıñ ükümeti yañı usul tasili qırımtatarlarnıñ milliy añlamını uyatır degen havfnı kördi. Muşaverede iştirak etken qırımtatar ziyalılarınıñ vekilleri — İsmail Gasprinskiy, Mustafa Davidoviç, Abdureşit Mediyev ve digerleri ruşdiyeni mudafaa ete bildiler.