İlk yaznıñ 17

1920 s., Qırımda, Tav Dayır köyünde şair ve muallim
Remzi BURNAŞ (17.06.1920–10.05.1982) doğdı.

Ekinci cian cenkiniñ iştirakçısı. İlk şiirlerini 1935 s. "Yaş leninciler" mecmuasında bastırdı. Ekinci cian cenki başlanması ile cebege mobilizatsiya oluna. "Leningradnıñ mudafaası içün" medali ve Qızıl Yıldız ordeninen mukâfatlandı. Sürgün etilgeni içün, cenkten soñ Özbekistanda yaşap, 40 yılğa qadar Hakullabad köyünde ocalıq yapa. Taşkentte "Lenin bayrağı" gazetası çıqıp başlağanınen icadiy faaliyeti ğayrıdan canlana. "Mavı sailler" (1966), "Yürek yırları" (1970), "Saylama eserler" (1994) şiiriy cıyıntıqlarını neşir etti. SSSR Yazıcılar Birliginiñ azası. Özbekistanda vefat etti.