İlk yaznıñ 11

1930 s. Qırımda, Aqmescit şeerinde
Ekinci cian cenki partizan areketiniñ iştirâkçısı,
milliy areket veteranı, publitsist
Nariman KAZENBAŞ (11.06.1930–12.02.2016) doğdı.

Ekinci cian cenki yılları anasınen beraber — Qırım gizli partizan areketiniñ iştirâkçileri. 1944 s. quralay ayınıñ 18 künü Özbekistanğa sürgün etildi.
1990 s. Qırımğa qayttı. 1996 s. deportatsiya aqibetinde status ve unvanlarını coyğanlarğa yardım etken qırımtatar cenk ve emek veteranları Assotsiatsiyasınıñ yolbaşçısı edi. Assotsiatsiyanıñ qoltutuvı ile "Faşizm mahbüsleri", "Krımskiye tatarı Veliköy Oteçestvennoy voynı" ("Qırımtatarlar Ulu Vatan cenkinde") kitapları basıldı. Öz ailesiniñ Ekinci cian cenki ve antifaşist gizli teşkilâtında iştirâk etkeni aqqında bir sıra hatırlav eserleriniñ müellifi. "Hızmetleri içün" III dereceli ordeni, "Cesürligi içün" III dereceli ordeni ve "Ulu Vatan cenki" II dereceli ordeninen mükâfatlandı. Aqmescit şeerinde vefat etti ve "Abdal" mezarlığında defn etildi.