İlk yaznıñ 1

1944 s. sürgün etilgen qırımtatarları ile birinci 7 eşelon Özbekistanğa barıp çıqtı.

Ertesi künü daa 24; ilk yaz ayınıñ 5-nde — 54 eşelon; ilk yaz ayınıñ 8-nde — 1 eşelon. İçki işler halq komissarlığı (NKVD) malümatlarına köre, Özbekistanğa 35275 qırımtatar qorantası sürgün etilgen edi. Yerleştirüv geografiyası: Taşkent vilâyeti — 56362, Samarqand vilâyeti — 31540, Andijan vilâyeti — 19630, Ferğana vilâyeti — 16039, Namangan vilâyeti — 13804, Qaşqadarya vilâyeti — 10171, Buhara vilâyeti — 3983 kişi. İnsanlarnıñ ekseriyeti kolhoz, sovhozlarğa, qalğanları müessise ve qurucılıqqa yollanıldı. Sürgün etilgen halqnı cumhuriyetniñ territoriyasında nezaret etmek içün NKVDniñ 76 mahsus komendaturası ayaqqa köterilgen edi.

1652 s. — Batog civarında yüz Bergen muarebe (zemaneviy Vinnitsa vilâyetindeki Çetvertinivka köyü)
Cenüp Bugnıñ sol yalısında birleşken ukrayin-qırımtatar ordusı ve Reç Pospolitayanıñ ordusı arasında doğuş yüz berdi.

İlk yaz ayınıñ 2-nde al etici muarebe olıp keçti. Kazak ve qırımtatarlar leh ordusınıñ üzerinde ğalebe qazandılar. Bu muarebe 1648–1657 ss. Boğdan Hmelnitskiyniñ yolbaşçılığı ile Milliy-azatlıq cenki devamındaki eñ müim uruşlardan biri edi.

2004 s. Mustafa Cemilevni "Yılnıñ adamı" olaraq ilân ettiler.

Bunıñ teşebbüsçileri Qırım muhtariyetiniñ bir qaç siyasiy ve cemaat teşkilâtları oldı. Mustafa Cemilevni "Yılnıñ adamı" olaraq ilân etmek teklifi ile berilgen beyanatta onıñ, qırımtatarlar içün aqiqiy lider olğanı, halqnıñ medeniy, maneviy, maarif, içtimaiy inkişafına, Qırımda milletlerara, konfessiyalarara tınçlıq ve berqararlıqnıñ saqlanmasına büyük isse qoşqanı aqqında laf yürsetile.