Quralaynıñ 7

1864 s. Qırımda, Kefe şeerinde siyasiy ve devlet erbabı, topraq saibi, iş adamı,
hayırsever, alim-agronom; 2-ci Qırım ülke ükümetiniñ reisi (boş ay 1918-saban/çiçek 1919);
Tavriya universitetini açmaq teşebbüsçisi; Qırımda ve icrette qaraylar areketiniñ iştirakçisi ve qılavuzı
Solomon QIRIM (07.05.1864 (1867/1868)–09.10.1936) doğdı.

1897 s. Solomon Qırım Kefede birinci halq kitaphanesini açmaq içün teşebbüs kösterdi, maddiy yardım berdi ve onı açmağa muvafaq oldı. Şeerde eki hastahane bölügini öz esabına tuttı. 1898 s. — Kefe dumasınıñ azası. Konstitutsion-demokratik fırqanıñ mensübi. 1916 s. Qırımda Tavriya universitetiniñ qanun-leyhasını işlep çıqtı ve onıñ açılmasına maddiy yardım kösterdi (1918). Şu senesi Qırım ülke ükümetiniñ reisi etip tayinlendi, aynı vaqıtta zıraatçılıq naziri vazifesini eda etti. 1919 s. bolşevikler kelgen soñ Qırımnı terk etmege mecbur ola ve Frenkistanğa kete. 1922 s. Parijde qırımlılar cemiyetini qurdı, idaresine aza oldı. Frenkistanda Qaraylar cemiyetini teşkil etti (1923). Parijde "Qırım efsaneleri" cıyıntığını neşr ettirdi (1925). Frenkistanda, Tulon şeeri civarındaki Qırım çiftliginde vefat etti.