Quralaynıñ 6

1878 s. Qırımda, Alupka şeerinde yazıcı, publitsist, oca, terciman,
içtimaiy ve siyasiy erbap Asan Sabri AYVAZOV (06.05.1878–17.04.1938) doğdı.
Stalin repressiyalarınıñ qurbanı.

İstanbulda ve Qairede tasil aldı. Yazıcı olaraq İsmail Gasprinskiyniñ ğayeleri tesirinde şekillendi. 1914 s. "Terciman" gazetasınıñ, 1917–1918 ss. "Millet" gazetasınıñ naşirmuarriri. I Qurultaynıñ reisi etip saylanğan, Qırım ülke ükümetiniñ Türkiyedeki elçisi etip tayinlengen edi. 1926–1927 ss. tilşınaslıqnen bağlı maqalelerini ve "Qırımtatar tili edebiyatı tarihı" işini neşir ettirdi. "Hayat aqvalı" (Baku, 1907) bediiy eseriniñ, "Neden bu ala qaldıq" "Тayfun" pyesalarınıñ, "Usul-i tedris", "Esaret qurbanları" publitsistik eserleriniñ ve baş. müellifidir. 1937 s. yaqalandı ve aksiinqilâpçılıq faaliyetinde qabaatlandı. 1938 s. çiçek ayınıñ 17-sinde qurşun cezasına üküm etildı.

2005 s Kiyevde recissör A. Muratovnıñ
​"Tatar triptihi" bediiy filminiñ ilk taqdimi oldı.

Bu qırımtatar tilinde azırlanğan ilk şerittir. M. Kotsubinskiyniñ "Tatar devreleri" indeki üç novella esasında ekranlaştırılğan bu film eski adetlerniñ insan ayatını harap etken küçü, müsülman qadınnıñ azatlıqqa ve serbestlikke ıntıluvı, sevmek aqqı içün küreşi aqqındadır. Film Ukrayina Medeniyet ve informsiyaseti nazirliginiñ devlet sımarışı esasında azırlandı. Baş röllerni Qırımtatar akademik muzıkalı drama teatrınıñ artistleri icra ettiler. Film qırımtatarlar arasında farqlı fikirler doğurdı.