Quralaynıñ 29

1881 s. Qırımda, Bağçasaray ş. teatr rejissörı, aktör, publitsist, terciman, oca
Celâl MEİNOV (29.05.1881– 1938/42) doğdı.
Qırımtatar devlet drama teatrınıñ birinci rejissyorı.
Stalin terrorınıñ qurbanı. I Qurultay vekili.

1926 s. Qırımtatar devlet drama teatrınıñ baş rejissyorı. Bir sıra spektakllerni, şu cümleden S. A. Özenbaşlınıñ "Olacağa çare olmaz", J. B. Molyerniñ "Mecburiy ekim" eserlerini sanalaştırdı. 1927 s. Qırımtatar yazıcıları birliginiñ reisi. Mizah janrı şairi. 1928 s. soñunda milletçilikte qabaatlanıp 5 sene Solovki apishanesine yollanıldı. 1938 s. qayta repressiyağa oğratıldı. Yañı 5 yıllıq müddetni ödemek içün Orta Asiya lagerlerine yollandı ve anda hastalanıp vefat etti. Vefatınıñ tarihı ve yeri belli degil. 1958 s. olüminden soñ reabilitatsiya etildi.

1919 s. Qırımda, Tav-Qıpçaq köyünde Ekinci cian cenkiniñ iştirakçisi,
Sovetler Birliginiñ Qaramanı
Seytnafe SEYTVELİYEV (29.05.1919–13.03.1983) doğdı.

Aqrysiyeni azat etüvde iştirak etti. Marino Gorka ş. civarındaki cenkte öz taqımınen on beş alman tankini yaqtı. Bu qaramanlığı içün SSSR Yuqarı Şurasınıñ 1944 s. ilk küz ayınıñ 25-indeki fermanına köre Sovetler Birliginiñ Qaramanı unvanına nail oldı, Lenin ordeninen ve "Altın Yıldız" medalinen mükâfatlandı. Yüksek mükâfatlarına ve cenkâver hızmetlerine baqmadan, oña Qırımğa qaytmağa izin berilmedi. O, Tacikistannıñ Leninabad ş. Yaşamağa mecbur ola ve anda da vefat ete. Bütün ömür arzu etip yaşağan tuvğan Tav-Qıpçaq köyüne qaytıp olamadı.