Quralaynıñ 28

1997 s. RF Qara deñiz flotunıñ Ukrayina topraqlarındaki statusı ve yerleşüvi aqqındaki
Ukrayina ve Rusiye Federatsiyası arasındaki añlaşma imzalandı.

Añlaşmağa köre Rusiye Qara deñiz flotunıñ esasiy bazası olaraq Aq-Yar şeeri ve Yalta, Kefe, Gvardeyskteki bir qaç obyektler belgilendi. Añlaşmanıñ müddeti beş yıllıq devirlerge avtomatik prolongatsiya aqqınen başlanğan künden itibaren 20 yılnı teşkil ete edi. Ukrayina ve Rusiye Federatsiyası arasındaki Añlaşmağa köre, Qara deñiz flotunı paylaşuv parametrleri aqqında, 525 cenkâver korabl, gemi ve katerlerden, RF Qara deñiz flotu 388-ini aldı (eñ yahşı arbiy korabl ve katerler; gemiler, cenkâver tehnika ve silânen, deñiz aviatsiyası ve başqalarnı) Ukrayinanıñ RF-sına olğan borc mecburiyetlerini ödev esabına 521, 06 mln. dollar, amma Ukrayina Arbiy Deñiz Küçleri terkibine 137 gemi kirdi.