Quralaynıñ 25

1925 s. Qırımda, Bağatır köyünde yazıcı,
"Yıldız" mecmuasınıñ baş müarriri (1976–1979)
ÇERKEZ-ALİ (Ametov) (25.05.1925–21.02.2005) doğdı.

1944 s. quralay ayınıñ 18-inde Qazaqıstanğa sürgün etildi. 1969 s. onıñ "Uluqlar" adlı ilk kitabı, daa soñra şiiriy ve nesir eserler cıyıntıqları: "Arzularım" (1971), "Sabalar quçağında" (1973), "Yeşil dağlar" (1976), "Yer nefesi" (1979) ve baş. Neşir etildi. SSSR YB azası, Ukrayina YB azası. 1995 s. Çerkez-Ali vatanına qayttı. 1999 s. Aqmescitte şairniñ "Uyan, Çatırdağ, uyan!" şiiriy cıyıntığı neşir etildi. 2005 s. Aqmescitte vefat etti.

1952 s. SSCB İlimler akademiyasınıñ tarih ve felsefe bölüklerinde
Qırım tarihınen bağlı ilmiy oturış keçirildi,
onıñ neticeleri sovet tarihşınaslığında qırımtatar halqınıñ tarih
ve medeniyetiniñ sahteleştirilmesiniñ temelini attı.

Sovet tarihçılarına "Rus halqınıñ tarihınen ayırılmaz bağı çerçivesinde Qırımnıñ kerçek ilmiy tarihını meydanğa ketirüv oğrunda faaliyet alıp barmaq", "Qırımnıñ Rusiyege qoşulmasınıñ tarihını ögrenmek ve bu vaqianıñ teraqqiy müimligini köstermek" vazifesi berildi. Aqiqatta ise, Qırım tarihınıñ tsinik sürette sahteleştirilmesi aqqında söz yürsetile edi. Qullanmanıñ müellifleri akademikler B.Grekov ve B.Rıbakov edi.