Quralaynıñ 22

1922 s. Qırımda, Körbekül köyünde qırımtatar milliy areketiniñ yolbaşçılarından biri
Amza ABLAYEV (22.05.1922–10.09.1998) doğdı.

1950-nci yıllarnıñ başında Qırımğa qaytmaq içün küreşken Milliy areketke qoşuldı. 1967 s. Yangiyol ve Taşkent şeerlerinde qırımtatarlarnıñ kütleviy siyasiy numayışlarını teşkil etüvde iştirak etti. 1985–1986 ss. Yañıyol ş. Gençleriniñ teşebbüsçi gruppasını qurdı. 1987 s. Oraq ayınıñ 27-sinde qırımtatar vekilleri terkibinde Kremlde SSSR YŞ prezidiumınıñ reisi A.Gromıko tarafından keçirilgen qabulda iştirak etti.
1989 s. Qırımğa qayttı. Milliy areket veteranları cemiyeti prezidiumınıñ azası olaraq saylandı. Qırımda Şumhay k. vefat etti.