Quralaynıñ 21

1903 s. Qırımda, Qarasuvbazar ş. Şair ve nesirci
Cemil SEYDAMET (21.05.1903–1977) doğdı.

"Yeñi dünya" gazetasınıñ, "İleri" ve "Bolşevik yolu" mecmualarınıñ müarriri. Sovet devri qırımtatar edebiyatında ilk yaratılğan "Ufuqqa doğru" romanınıñ müellifi (1930). "İleri" mecmuasında bu romandan parça derc etilgen edi. SSSR YB-niñ azası, rus proletar yazıcıları birleşmesiniñ Qırım bölügi reisi (1930 ss.) Moskvada vefat etti.

1947 s. Avstriyanıñ Bregents şeerinde tamırları qırımtatar olğan türk tarihçısı
İlber ORTAYLI doğdı. İstanbuldaki Topqaya muzeyiniñ direktorı.

Türkiyeniñ eñ meşur tarihçilerinden biri. Avropa ve AQŞ universitetlerinde maruzalar oqudı. 25-den ziyade tarihiy ve ilmiy-kütleviy mevzudaki kitaplarnıñ müellifi. "Üç Kıtada Osmanlılar" (ukrayin tiline tercime etilgen), "Cumhuriyet’in Doğuşu — Kurtuluş ve Kuruluş Yılları", "Seyahatnamesi" ve başqalar.