Quralaynıñ 20

1940 s. Qırımda, Otar-Moynaq köyünde şahmat boyunca sport ustası,
Ukrayinada nam qazanğan trener Ürmet İBADLAYEV (20.05.1940–13.12.2018) doğdı.

1944 s. Quralay ayınıñ 18-inde qorantasınen Özbekistanğa sürgün etildi. 1998 s. Aqmescitteki № 37 orta mektepte şahmat tögereginiñ reberi, bala sport mektebi treneri, Qırım müendislik-pedagogika universitetinde şahmat klubınıñ teşkilâtçısi. Sport ustasınıñ qaznasında 120 yarlıq, 17 kubok ve 25 medal bar. Aqmescitte vefat etti.