Quralaynıñ 19

1932 s. ÖzSSR-niñ Samarqand ş. jurnalist, publitsist, yazıcı, cemaat erbabı, qırımtatar milliy areketi iştirakçisi
Timur DAĞCI (19.05.1932–05.02.2022) doğdı.

Milliy areketteki işitiraki içün 1966 s. yaqalandı ve Moskvadaki Lefortovo apishanesine qapatıldı. "Lenin bayrağı" gazetasınıñ müarriri (1982–1985). SSSR jurnalistler birliginiñ mükâfatı laureatı. 1989 s. Qırımğa köçken soñ içtimaiy, jurnalistik ve yazıcılıq faaliyetini devam ettirdi. Stalin deportatsiyasınıñ halqımızğa ketirgen ziyanını esaplap çıqqan ve bu aqqında matbuatta haber bergen alimler gruppasını teşkil etti. IV Qurultay vekili. "Bütün nesilge bir taqdir" kitabınıñ müellifi (2013). Aqmescitte vefat etti.

2009 s. Bütündünya qırımtatar kongressini teşkil etüv aqqında deklaratsiya qabul etildi.

12 memleketten kelgen 162 qırımtatar milliy teşkilâtlarınıñ vekilleri halqara teşkilât derecesindeki Bütündünya qırımtatar kongressini teşkil etüv aqqında deklaratsiya qabul ettiler. Kongress Ukrayina Prezidentine, Yuqarı Şurasına, Nazirler Kabinetine, Avropa Şurasınıñ Parlamenti Assambleyasına, OBSYE ve başqa halqara teşkilâtlarğa müracaat qabul etti, iş organı — Koordinatsion Şura teşkil etti. Bütündünya qırımtatar kongressiniñ prezidenti etip Refat Çubarov saylandı.