Quralaynıñ 13

1909 s. Qırımda, Küçük-Özen köyünde mimar
Sadıq NAGAYEV (13.05.1909–14.09.1971) doğdı.

Qırımnıñ cenübiy yalısını qayta quruv leyhalarını azırlavda iştirak etti, Qırımtatar devlet drama teatrınıñ, Autkadaki orta mektepniñ, Simeizdeki suvnen tedaviylev hastahanesiniñ leyhalarını azırladı. 1938 s. ÖzSSR-deki Büyük Ferğana kanalı qurulışınıñ leyhasını azırlağanlardan biri. Ekinci cian cenki devrinde Vladivostokta mudafaa sanayısı ihtiyacları içün zarur olğan işlerni becerdi. Uzgosproyekt respublika institutı ve Taşkentteki Ortaasiya politehnika institutı mimarcılıq fakültetiniñ tesisçilerinden biri. SSSR Mimarciları birliginiñ azası. (1937). Taşkentte vefat etti.