Quralaynıñ 11

1934 s. Qırım ASSR-de klassik üslüp küreşçisi,
yunan-rim küreşi boyunca eki kere SSSR çempionı
Refat ABLAYEV (11.05.1934–25.11.2012) doğdı.

1944 s. Özbekistanğa sürgün etildi. 1952 s. küreşnen oğraşmağa başladı. "Dinamo" sport cemiyetini (Taşkent) temsil etti. 10 kere küreş boyunca SSSR çempionatında iştirak etti (1955–1967). SSSR halqları spartakiadasınıñ ğalibi (1965). Siyasiy sebeplerge köre çetelge çıqmaq yasaq olğanı içün halqara musabaqalarda iştirak etmedi. Özbekistanda, Taşkent şeerinde vefat etti.