Çiçeknıñ 7
1917 s. Aqmescitte, Qırım müftisini saylamaq maqsadı ile
Bütünqırım musulman toplaşuvı ötkerildi.
Siyasiy erbabı Ali Bodaninskiy fikirdeşlerinen birlikte, diniy idareniñ komissarı ve Qırım, Litvaniya, Poloniya ve Beyaz Rusiyeniñ birinci demokratik alda ğıyaben saylanğan müftisi olaraq 32 yaşındaki Noman Çelebicihannıñ olunmasını teklif eteler. Çelebicihan Aqmescitke kelip çıqqanınen Qırım musulman icraiy komitetini teşkil etmek içün eyyet (komissiya) oturışı çağırıla. Şu zamandan başlap, qırımtatarlarnıñ medeniy, diniy, iqtisadiy, siyasiy faaliyetleri Musulman icraiy komiteniniñ (Musispolkom) yetekçiligi altına keçe.
2021 s. Ukrayina Nazirler Kabineti qırımtatar tiliniñ inkişafı
Kontseptsiyasını 2032-nci s. qadar tasdıqladı.
Kontseptsiyanıñ maqsadı – Yünesko tasnifına köre, ağır telüke altında bulunğan tiller sırasına kirsetilgen qırımtatar tiliniñ ğayrıdan canlanuvı, inkişaf etüvi içün şaraitler yaratmaq.