Çiçeknıñ 5

1379 s. Mısırnıñ Qahire şeerinde bütün ömüri ve faaliyeti Qırım ve Mısır ile bağlı müsülman alimi,
uquqşınas, hadis bilgiri, muallim —
DİYA ad-DİN al-İMADİ al-AFİFİ al-Qırımiy (?–05.04.1379) vefat etti.

İrannıñ şimal tarafında, Kazvin şeerinde doğdı ve 1330 s. soñuna qadar anda yaşağan. Eñ belli entsiklopediyacılar, fıqıh ve tefsir mutehassıslarınıñ ocası edi. 1348 s, ihtimal, veba epidemiyasından qaçıp, Qırımğa kelip çıqa, ve mında 20 yılğa qadar qadı muavini vazifesini becere. 1370 s. Mısırğa ketip "Al-Aşrafiyya" medresesinde ocalıq yapa. 1360-ncı ss. "Aş-Şayhuniyya" ve "Al-Mansuriyya" mekteplerinde uquqşınaslıq ve hadisşınaslıq derslerini bere. Eserlerinden tek uquqşınaslıq boyunca "Minhac al-Vasul İlâ İlm al-usul" ("Uquq esasları ilimini idrak etüv usulı") eseriniñ konspekti saqlanğan. Belli bir devir devamında bu eser Mısır medreselerinde ögrenile edi.