Çiçeknıñ 24

1938 s., Qırımda, Qarasuvbazar şeerinde aktrisa, jurnalist ve oca,
Qırım ve Ukrayinada nam hazanğan medeniyet erbabı
Subiye NALBANDOVA (Seyitablayeva) (24.04.1938–29.07.2021) dünyağa keldi.

1944 s. qorantasınen beraber Mari ASSR-ge sürgün etile. 1956 s. Tacikistanğa köçe. Leninabad muzıka oquv yurtunıñ (1956–1959) ve Taşkent teatr-ressamcılıq institutınıñ (1960–1966) mezunı. O, qırımtatar bestekârlarnıñ vokal eserleriniñ istidatlı icracısı olaraq belli. Vatanğa qaytqan soñra (1990), Qırım medeniyet oquv yurtunda (1990–1992) vokal ve sana nutuğı derslerini bere edi. "Haytarma" (2013), "Ösenniye tsvetı" ("Küz çeçekleri") (2009) bediiy filmlerinde roller icra etti. Qırım ve Ukrayinada nam qazanğan medeniyet erbabı, Ukrayinada nam qazanğan jurnalist. Aqmescitte vefat etti. Bağçasaraynıñ müsülman mezarlığında defn olundı.

1966 s. Özbekistanda, Şahrisabz şeerinde professional futbolcı
Talât ŞEYHAMETOV doğdı.

Eñ büyük şüretni o, Aqmescit "Tavriya"sınıñ terkibinde olğanda qazandı. Futbol boyunca Ukrayinanıñ birinci çempionatınıñ ğalibi (1992), Ukrayina Kuboğınıñ finalcısı (1993/94). Ukrayina sport ustası (1992). Faal çıqışlarını yekünlegen soñra trenerliknen oğraşıp başladı.