Çiçeknıñ 23

1920 Turkiyede, Balıkesir şeerinde Turkiyedeki qırımtatar diasporasınıñ faali,
devlet ve cemaat erbabı, ekim Ahmed İhsan QIRIMLI (23.04.1920–11.12.2011) dünyağa keldi.

İçtimaiy faaliyetini Stambul universitetiniñ tibbiyet fakültetinde oquğanda başladı. AQŞ-daki turk talebeler ittifağınıñ yolbaşçısı ola. Bugün bu teşkilât qırımtatar Arqadaşlığınen birlikte Amerikadaki turk diasporasınıñ eñ küçlü teşkilâtları olaraq tañıldı. 1950–1957 ss. AQŞ-da qırımtatarlarnıñ sürgünligine bağışlap bir sıra konferentsiyalar teşkil etti. 1961 s., Adalet partiyasından (Adalet Partisi) Turkiye Parlamentine vekil olaraq saylanıldı ve 1977 s. qadar anda çalıştı. 1973 s. Turkiye Turizm Nazirliginiñ reberi oldı, TVMM sağlıq qoruv Komissiyasınıñ başlığı, Milliy Mudafaa ve İçki İşler Komissiyasınıñ azası. Turkiye ve Ukrayinada İ.Gasprinskiyniñ hatırasına bağışlağan halqara konferentsiyalarını teşkil ete edi. 
1999 s. Ukrayina ve Turkiye dostluğı şirketini ve Qırım Fondunı teşkil etti. Turkiyede, Balıkesir şeerinde defn olundı.

1938 s., Qırımda, Baydar köyünde romanlar yazğan birinci qırımtatar qadını,
yazıcılar Birliginiñ reisi, yazıcı Üriye EDEMOVA dünyağa keldi.

1944 s., qural ayınıñ 18 künü Özbekistanğa sürgün etildi. 1975 s. Taşçkent universitetiniñ jurnalistika fakültetini bitirdi. 1965 seneden "Lenin bayrağı" gazetasında çalışa. 1967 seneden Özbekistan Ğ.Ğulam adındaki devlet neşriyatında, qırımtatar edebiyatı bölüginde çalıştı. 300-den ziyade eserniñ müellifi, olarnıñ arasında "Nişan yüzügi", "Baş yazısı" povestleri, "Aydın gecede" romanı ve diger. 
1992 s. Qırımğa qaytıp, Aqmescit "Tavriya" neşriyatı yanındaki qırımtatar edebiyatı bölüginiñ başlığı oldı, Qırım müendislik-pedagogika universitetiniñ qırımtatar ve türk filologiyası fakültetinde ders berdi. 2017 seneden bu küngece — qırımtatar yazıcıları Birliginiñ reisi. SSSR yazıcılar Birliginiñ azası (1975), Ukrayina Milliy yazıcılar Birliginiñ azası (1993).