Çiçeknıñ 21
1918 s., Aqmescit şeerinde, Qurultay sessiyasınıñ çağırıluvına qadar,
milliy meselelerniñ çezilüvini öz boynuna alğan qırımtatar parlamentiniñ muvaqqat byurosı teşkil etildi.
Byuro 20-ge yaqın deputatlarnı birleştirdi. Başlığı — parlamentniñ reberlerinden biri A.İlmi, muavini — S.С.Hattat ve kâtibi — S.U.Taraqçı oldılar. Byuro parlamentniñ "Qırım" gazetasını vaqtınca ğayrıdan neşir etip başladı. Onıñ birinci sanında milliy öz-özüni idare etüv organları, Qırım sakinleriniñ çeşit içtimaiy ve milliy gruppalarınıñ menfaatını köz ögüne alaraq, Qırım yaramadasınıñ mustaqilligine taraf yañı siyasiy yöneliş alğanlarını bildirdiler.
1956 s., Özbekistannıñ Samarqand şeerinde jurnalist,
publitsist, edebiy muarrir, terciman, cemaat erbabı,
filologiya ilimleri namzeti, muallim Bekir MAMUTOV dünyağa keldi.
1980-nci ss. başından qırımtatar milliy areketinde iştirak ete. 1992 s. başlap Qırımda yaşay. 1996 s. — milliy Qurultaynıñ vekili, şu vaqıt Milliy Mecliske de saylana. Aqmescitniñ universitetlerinde ders bere, jurnalist olaraq çalışa. 1999 senesinden "Qırım" gazetasınıñ (köntentniñ 80% — qırımtatar tilinde) baş muarriri. 20-ge yaqın kitaplarnıñ muarriri ve muqaddemelerniñ müelifi. 2014–2017 ss. "Qırım" gazetasında basılğan içtimaiy şiirlerden ibaret "Qırım — Millet, Vatan — Devlet" (2018) nazmiy cıyıntıqnıñ müelliflerinden biri. Zemaneviy qırımtatar milliy nazmiyetiniñ klassigi Ş.Selimniñ bir qaç acayip eserini rus tiline tercime etti.
2010 s. Ukrayina ve Rf arasında "Harkov muqaveleleri"niñ imzalanuvı.
Ukrayina ve Rusiye Federatsiyası arasındaki añlaşmanı eki prezident imzaladı: Ukrayinanıñ — V. Yanukoviç ve Rusiyeniñ — D. Medvedyev. Şu vesiqağa binaen, RF-nıñ Qara deñiz flotunıñ Qırım ve Aqyarda bulunuv müddeti, Ukrayina içün Rusiye gazınıñ ucuzlanması şartı ile, 2017 senesinden 2042 senesine qadar uzatıldı. Spikerlerniñ razılığınen, muqavele Ukrayina Yuqarı Şurası ve Rusiye DD tarafından aynı zamanda, 2010 s., çeçek ayınıñ 27-nde ratifikatsiya olundı. Ukrayinada şu muqaveleler oppozitsiya, ekologlar, yerli şuralar ve, umumen, cemaatta ğadap doğurdı. Muqaveleni qırımtatar halqınıñ Meclisi de taqbih etti. 2014 s., saban ayınıñ 31-de RF Devlet duması tarafından, bir taraflı alda lâğu etildi.