Çiçeknıñ 19
1783 s. Qırım hanlağını Rusiya imperiyasına qoşulması aqqında Manifest imzalandı.
Şu vesiqa ile çariçe ІІ Katerina rusiyeniñ qomşu memleketke yapqan cinayetligini qanunlaştırdı. İşğal — arbiy kampaniya ve oña qarşı çıqqan qırımtatarları ve noğaylarnıñ çoqtan-çoq isyanlarını canavarca ordu ve kazaklar yardımınen bastırmaq, boğmaq tarzında keçirildi. Soñki Qırım hanı — Şagin Geray tahttan terk etüvni resmiyce imzalamadı, qırımtatarları ise rusiye imperatritsasına yemin etmediler. Asıl da, yarımadada şu manifest aqqında tek bir qaç aydan, endi Rusiye imperiyası Qırımnı açıq, tam mıqyaslı alda işğal etip başlagan soñ belli oldı.
1954 s. Özbekistanda, Narpay köyünde, dekorativ-ameliy sanatı,
teatr ve kino ressamı, aktör Şevket SEYDAMETOV doğdı.
1992 s. Qırımğa köçti. 1993 seneden Qırımtatar muzıkalı drama teatrınde çalıştı. 1993–2004 ss. spektakllerniñ çoqusını Ş. Seydametov resimlegen. 2004 s. Kiyevge avuşa. 15 filmniñ sanalaştıruv ressamı: "Tatarskiy triptih" ("Tatar triptigi") (2004); "Teritorіâ krasi" ("Dülberlik territoriyası") (2009); "Taksі" (2011–2013); "Haytarma" (2013); "Pograbuvannâ po-jіnoçomu" ("Qadıncasına çaypav") (2014); "Na lіnії jittâ" ("Ömür sızığında") (2016); "Çuja molitva" ("Ecnebiy dua") (2017); ve il., "Kіborgi" ("Kіborglar") filmi boyunca "Eñ yahşı sanalaştıruv ressamı" mukâfatınıñ, ekinci Milliy kinomukâfati "Zolota Dziґa"nıñ laureatı (2018).
1982 s. Özbekistanda, Bulungur şeerinde, ukrayin siyasiy, camaat ve devlet erbabı,
Qurultay vekili, Ukrayina IX çağıruvınıñ Halq deputatı
Rustem ÜMEROV dünyağa keldi.
2014 s. müsülman cemiyetlerine, hayriye institutına ve cemaat faalliginiñ inkişafına qol tutmaq maqsadı ile yaratılğan "Evqaf" hayriye fondunıñ teşkilâtçılarından biri oldı. Avropa Şurasınıñ Parlament Assambleyasındakidaimiy delegatsiyası reberiniñ muavini (2019–2022). Yuqarı Şuradaki "Qırım platforması" birleşmesiniñ reberdeşi (2020–2023). Ukrayina devlet mülkü Fondunıñ başlığı (2022–2023). 2023 s. ilk küz ayınıñ 6-ndan — Ukrayina Mudafaa naziri. ІІІ dereceli "Yararlıqlar içün" ordeninen mükâfatlanğan (2021 s., arman ayı 23-nde). 2023 s. "Ukraїnska pravda" derc etken "Spisok lіderіv Ukraїni UP-100" ("Ukrayina liderleriniñ cedveli UP-100") reytinginiñ "Devlet idarecileri" kategoriyasında 15 liderden biri oldı.
2014 s., Moskva şeeriniñ Basman rayon mahkemesi
Mustafa Cemilevge RF-ge, onen birge Qırımğa kirmesini yasaq etti.
Şu künü, Qırımdan çıqqanda, Ukrayina halq vekili, qırımtatar halqınıñ lideri Mustafa Cemilevge, çetel memleketiniñ vatandaşına, kibi, RF territoriyasına kirmesini yasaqlağan 2014 s., çeçek ayınıñ 19-ndan № 140, 13–1087 qararını berdiler.