Çiçeknıñ 18
1951 s., Özbekistanda, Katagan köyünde adliyeci,
cemaat erbabı, milliy areketniñ iştirakçısı
Nariman ABDUREŞİTOV (18.04.1951–09.12.2018) dünyağa keldi.
1976 s. tacik universitetiniñ uquq fakültetini bitirip, şu cumhuriyetniñ uquq qoruyıcı tertibatında çalıştı. 1984 senesi adliye ilimleriniñ namzeti oldı. Qırımğa endi büyük tecribeli yurist olaraq avdet etti ve deral milliy areketke qoşuldı. II Qurultaynıñ vekili. "Qurultay" fraktsiyasından Qırım Yuqarı Şurası 2-nci çağıruvınıñ delegatı (1994–1998). 1997 s. kiçik ayından 1998 s. çeçek ayına qadar — Qırım Yuqarı Şurasınıñ devlet qurulışı, qanuncılıq ve qanuniylik boyunca daimiy komissiyasınıñ başlığı. 1999 s. Kütleviy informatsion vastaları ve jurnalistler uquqını qorçalavnen oğraşa. Qırım informatsion matbuat merkeziniñ icra etici müdiri edi. Aqmescitte vefat etti.
1981 s., Özbekistanda, Gülistan şeerinde çalğıcı, derijor,
muallim, Ukrayinada nam qazanğan sanat erbabı (2020)
Dilâver OSMANOV (Osman) doğdı.
Ukrayina Milliy nefesli orkestriniñ dirijorı. 2019 s. başlap Ukrayina Milliy muzıka akademiyasında dirijorlıq derslerini bere. Bütünukrayina ve halqara yarış ve festivalleriniñ defalarca iştirakçısı. C. Rossini "Şlübniy veksel, abo Şçastâ za dobu" (2021), C. Puççini "Toska" (2022), A. Pyatstsolliniñ muzıkasına "Іstorії u stilі tango" (2018) ve diger opera ve baletlerini sanalaştırdı, Şübertniñ muzıkasına "Іstorії u stilі tango", "Rozstrіlâne vіdrocennâ" muz.-dram. spektakllerini qoydı (ekisi da 2019), bir sıra tematik kontsertlerini azırladı.
2016 s. RF adliye nazirligi qırımtatar halq Meclisini ekstremist teşkilâtlarınıñ sırasına kirsetti.
2016 s., çeçek ayınıñ 26-nda işğalci Russiyeniñ "Qırım yuqarı mahkemesi" Qırımtatar halq Meclisini ekstremist teşkilât olaraq ilân etip, onıñ faaliyetini Rusiye territoriyasında yasaq etti. Qırımtatar halqınıñ eñ yüksek temsilci organı — Meclisniñ yasaq etilmesi işğalci ükümet tarafından halqara aququq normalarına, bunıñnen beraber Halqara er türlü ırq diskriminatsiyasını yoq etüv konventsiyasına, Avropa Şurasınıñ insan aqlarını ve esas serbestlikni qoruv aqqındaki Konventsiyasına, BMT-niñ tamır halqlarnıñ aququqları aqqında Deklaratsiyasına iç bir emiyet bermegenini açıq-aydın tasdiqlay.